منتديات مستشفى حديثة العام
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 ساكت ياوطن

اذهب الى الأسفل 
كاتب الموضوعرسالة
عزالدين الحديثي
طبيب جديد
طبيب جديد


عدد الرسائل : 28
العمر : 23
بلد الاقامة : 1995
المهتة : طالب
الهوايات : المطالعة
تاريخ التسجيل : 16/11/2007

مُساهمةموضوع: ساكت ياوطن   الخميس ديسمبر 13, 2007 8:34 pm

ساكت ياوطن والحركَه تاكل بيك


لو خايف أظن والسكته من خوفك


من حرب الحرب جبنه العمر وياك
من اكل الجثث ما ينترس جوفك


مابيك الذنب كَول الذنب چا وين
يمكن نعتذر لو نفهم ظروفك


چنت المدرسه وبيك الشعب طلاب
وبس دك الجرس شو فارغه صفوفك


تقبل ياوطن يرضيك هذا الحال
ناسك للأسف تتراكض تعوفك


وتقبل ياوطن شبابك الحلوين
تتغرب غصب تحرمهه من شوفك


جاوب لا تظل ساكت يبو الثورات
عشرينك أمس اتعيش بطيوفك


من طور الحزن ملينه ما مليت
چاطور الفرح ما تعزف دفوفك


من ريد الفرح بس كون ريدك سيف
موعيب بغمد اتنام اسيوفك


بايكَ ما صرت ما خاف من جلاد
مو هذا شعارك هذا معزوفك


چاشنهو التغير يا عراق شبيك
مو چانت دول ما تنطق حروفك


نعتب ياوطن من حبنه الك والله
شفناكم نهر عطشانه جروفك


ومن نصحك لأن صدكَنه كلنه اخطاء
يا بيت الكرم نبقه احنه ضيوفك


أصفن ويه نفسك راح تعرف زين
لو ما تنتفض چاضاع معروفك


عذراً يا وطن بس ثور حتى نثور
لو تكَضي العمر بالقيد چفوفك
لو تكَضي العمر بالقيد چفوفك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ساكت ياوطن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الطبيب :: القسم الادبي :: قسم الشعر و الخواطر-
انتقل الى: