منتديات مستشفى حديثة العام
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 أمـــــــــــــــــــي

اذهب الى الأسفل 
كاتب الموضوعرسالة
الذئب الرمادي
المدير العام
المدير العام
avatar

عدد الرسائل : 175
العمر : 29
بلد الاقامة : العراق_الانبار_حديثة.
المهتة : طالب
الهوايات : الرياضة
تاريخ التسجيل : 26/10/2007

مُساهمةموضوع: أمـــــــــــــــــــي   الأربعاء مارس 19, 2008 11:55 pm

أمـــــــــــــــــــي

يمه البيت عكبج يبجي عالبيت
وسود وداعتـــــج شفـت الحياطين
وعتبة بيتنه زعلت على الباب
وعلينه أتسودنت ما ترضى ترحين
وشفت دمع البلابل والعصافير
طاح إعله المكان البــــي تكعــدين
وشفت لطخت حزن بخدود الورود
وصبح بستانه يبجي البـــــــساتين
فراكج موسهل يذبحني كل يوم
كل يوم بسـنه لا والله عشـــــــرين
ييمه بفركتج نص عمري ماخوذ
ولا جن فركتـــــج يايمه يـــــومين
ما أدري شيضل لو طال الفــــــراك
على هذا الوضــــع ينراد عمــــرين
شكض من الدمع ودموعي شلال
وعليج اتسودنت ماتسكت العــين
جلمة يمــــه منــــج بلسم جــروح
وجلمة بعد بيتي أتداوي جرحـــين
أذا موجوده يمه نصير عـــــــقال
ونصـــير بغيبتـــج مثل المجانـين
على وجهج لكينه الحزن مـرسوم
وكبـــاله الفرح ذابحـــــته السـنين
رضعتينه الحزن من شد الكماط
وغـــذتنه دمـــعتج حـــب الحـسيـن
تروح بروحتج ماتبـــقى ارواح
جسد واكف جــذب بس احنه ميتين
يااجمل وحن مخلوق بالكــــون
مثلج ما كو مثلـــــج أقسم ثنــين
تحت جدمج جنان وتجري انهار
وبعـــد فوك الجـدم اشكال تلــكـين
يا ام الوفه ماشــــوف أوفيـــــــج
لو كد نــوح عمري يصــير مرتين
اغفه بحضن صبرج وانه شبــعان
واحس جوعانه كلـــش من تنـــامين
امي الجــــنه انتـــــي منزله بيت
وتنام بظـــلج ابيــوت الجــــــوارين
سكوتج ادري يمه يحير الليل
مثل صفنة البـــحر لمـــن تصفنيـن
واذا تحجين بلبل يعـــــزف الحان
ومن حلكج يظل يطـــافر الــتــــيـن
خيط السبحه انتي اخذينه ويـــــــاج
نطشر خـــــرز لمــــــن تروحــــين




_________

_________________
center][/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://altabeb.allgoo.net
 
أمـــــــــــــــــــي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الطبيب :: القسم الادبي :: قسم الشعر و الخواطر-
انتقل الى: